تحدثت حبيبة نبيل معوض، ابنة المخرجة إيناس الدغيدي، في أول تعليق لها على زواج والدتها، عن كواليس تقبلها لخبر زواج والدتها من رجل الأعمال أحمد سوكارنو، وردّ فعلها بعد انتشار صورها مع ابنتها في عقد القران.

وخلال مداخلة هاتفية لبرنامج «صورة» الذي تقدمه الإعلامية لميس الحديدي، علقت حبيبة على الجدل المثار حول الزواج قائلة:"من زمان وأنا متعودة على الانتقادات، عشان أنا بنت إيناس الدغيدي، ومش الحاجات دي اللي تهزني أو تهمني".

«كنت شايلة همّها.. ودلوقتي مطمنة»

وعن تقبّلها لفكرة زواج والدتها، أوضحت حبيبة أنها لو كانت أصغر سنًا لربما شعرت بالغيرة أو الانزعاج، لكن مع مرور الوقت ونضجها، أصبح اهتمامها الأكبر بسعادة والدتها:

"أنا بشيل همها كتير، ودلوقتي فرحانة إن في حد في حياتها يكون سند ليها. أنا عندي شغل وبيت وأولاد، وبنشغل عنها، فلما شفت أنكل أحمد (سوكارنو) ارتحت".

زوج الدغيدي يعلّق: هدفنا نسعد بعض

من جانبه، علّق رجل الأعمال سوكارنو، زوج إيناس الدغيدي، على رد فعل حبيبة بقوله:"ماكنتش قلقان من رد فعلها، لأني متأكد إن أي بنت هدفها تشوف والدتها سعيدة، وده هدفي من الزواج، إني أضيف لحياتها وأكون مصدر سعادة ليها".

وتابع متحدثًا عن أبنائه من زيجات سابقة: "البنات لسه مش مستوعبين، لأن البنات دايمًا بيغيروا على أبوهم، لكن ابني اقتنع من أول لحظة، وبنتي الكبيرة باركتلي، ودي خطوة إيجابية".

الدغيدي: "اتخضّت لما قلتلها.. لكن دعمتني"

أما المخرجة إيناس الدغيدي، فكشفت عن لحظة إبلاغ ابنتها بنبأ الزواج، قائلة:"اتخضّت في الأول، قالتلي: تعرفيه كويس؟ هتسافر وتسيبينا؟، وده طبيعي لأنها متعودة إني حياتي كلها بقت مع الأحفاد".

وأردفت:"أول ما وصل سوكارنو مصر، طلب يقابلها، ولما قعدت معاه هي وجوزها، قالتلي: راجل مؤدب ومحترم. ومن وقتها بدأت تقتنع ودعمتنا جدًا".