كتب عصام سعد الدين عبر صفحته على موقع التواصل الاجتماعي فيس بوك المنشور التالي عن قدوم المستثمر الخليجي إلى مصر.. إليكم ما كتبه

المستثمر الخليجى اللى انت بتتأمر أو بتتعالى عليه وبتكلم عنه كأنه جاى يشحت منك أو يشيل حتة من أرضك على كتفه ويخلع بها على بره!!! المستثمر ده فرصة ولقطة عند أوروبا ويتمنوا له الرضا يرضى عشان يستفيدوا بملياراته ودولارته!!!

وفى رأيى جذب الاستثمار فى الزمن الحالى.. الزمن اللى كل كلمة ع السوشيال ميديا بقت بتلف الدنيا لف جذب الاستثمار ما بقاش دور الدولة وحدها . انت كمواطن لك دور عندك كلمة حلوة تساعد بها بلدك وتحبب الناس يشتغلوا فيها اتفضل قولها وانشرها ما عندكش يبقى بلاش تسودها وتكحلها!!!