كتب الصحفي وائل لطفي عبر صفحته على موقع التواصل الاجتماعي فيس بوك:

أنا بلا فخر اول واحد كتب عن (الصوفية الجدد)في روز اليوسف سنة ٢٠٠٦ ..وعملت مغامرة علشان ادخل للشيخ صالح ابو خليل والحقيقة أنا لقيت نص فنانين وكتاب مصر هناك فضلا عن لفيف من السادة المسئولين ..هو كان عارف اني هكتب للمجلة وبعتني للدور الثاني من البيت اللي بيضم صفوة الضيوف واذكر ان المرافق بتاعي في الجولة كان مسئول سابق ..ورغم انه كان حريص ان كل شىء يبقي تمام ..قال لي ان شاء الله ربنا يفتح عليك والشيخ يدي لك (الهام)فانا سالت يعني ايه (الهام )فطلع نوع من انواع الوحي ..الشيخ بيبعت لعقلك قصيدة مثلا فانت تبدا تقولها..شوية والشيخ طلع الدور الثاني وادي الهام لشخص ما كان قاعد بياكل غالبا ..فقام وابتدي يقول قصيدة جميلة جدا للدرجة اللي مخلتنيش اشك لحظة انها من ابداع شاعر صوفي ما في زمن ما وانها ولا الهام ولا حاجة ..بس للامانة أنا اعتبرت الامر اقرب للطرافة وللنصب خفيف الظل .. ونسيت الموضوع كله علي بعضه اقتناعا بشعار القانون لا يحمي المغفلين

ملحوظة :محدش يسرق مصطلح (الصوفية الجدد)

والصورة للفت الانتباه وتحية لروح المعلم حلاوة العنتبلي لانه كان صاحب مهنة حقيقة وهي انه (عم الجزارين ) ماكانش نصاب يعني ..