كشف محمد عبد الوهاب شقيق الفنانة شيرين عبد الوهاب، حقيقة اتهاماتها له ببيع حقوقها في صفحات التواصل الاجتماعي الخاصة بها بالأدلة.

ونشر شقيق شيرين عبد الوهاب صور لها وهي تحتفل بنجاح صفحات السوشيال ميديا الخاصة بها قائلا:" أدي الشركة اللي هي بتقول عليها متعرفش حاجة عنها ولا انها اشتغلت معاهم ولا انها تعرف اني مضيت معاهم".

واستطرد:"الصورة على حسابها على إنستجرام وهي بتشكرهم علي شغلهم معاها من ٢٠١٨..التحقيقات ان شاء الله هتثبت بالأدلة و بإظهار العقد صحة موقفي".

ودافع شقيق شيرين عن مسئول السوشيال ميديا الخاص بها قائلا:" محمد الشاعر ده اشهد قدام ربنا انه من انضف الناس اللي هي اشتغلت معاهم وشهدتي فيه مجروحه وهو معروف مين وأبن مين من أكبر عائلات مصر وناس سمعتهم سبقاهم".

وكان قد خرج محمد عبد الوهاب شقيق الفنانة شيرين عبد الوهاب، مدافعًا عن نفسه بعد تصريحات شقيقته الأخيرة والتي أكدت خلالها على أنه «غدر بها وباعها»- على حد وصفها، إلى أحد الأشخاص أعطى له الحق في إدارة صفحاتها على السوشيال ميديا، بموجب توكيل عام.

ونشر محمد عبد الوهاب، عبر صفحته الشخصية، شهادة حفظ القضية في التهم المنسوبة إليه، قائلاً: « كل واحد عنده قدرة على تحمل الأذى لكن للقدرة دي حدود.. ده قرار النيابة العامة بالحفظ إدارياً في كل الاتهامات اللي اتوجهت ليا بتاريخ ۱۹/۱۲/۲۰۲۲ يعني من سنتين»

اتهامات

وتسائل محمد عبد الوهاب، قائلاً: «إيه هي بقي الاتهامات دي؟ كسر الضلع والعشرين راجل اللي دخلت بيهم على اختي! وطبعا موضوع السكينة! واتسألت علي التوكيل بتاعي وبتاع امي من وكيل النيابة المحترم وكله مثبت، س سوال ج جواب. التوكيل اللي بتقول ان انا أسأت استخدامه».

وأضاف شقيق شيرين عبد الوهاب قائلاً: «وده إن دل على شيء فهو يدل على إني مش عايز أختي شكلها يبقي وحش قدام الناس وقدام جمهورها والأهم أمي اللي كنت مفهمها ان بنتها اتنازلت وانا أستحمل أي حاجة إلا إنها تتوجع في ولادها».

وتابع محمد عبد الوهاب، قائلاً: «وبناء عليه رضيت بالظلم لوحدي لكن الحقيقة غير كده، انا اتطلبت في النيابة واتسألت رسمي وتم اخلاء سبيلي من النيابة علي ذمة القضية لحد مااتحفظت القضية بس انتي بقي بشطارتك وبأهل الشر اللي حواليكي اللي خسروكي نفسك وأهلك، خليتيني انهارده أطلع أقول جزء من الحقيقة للناس رغم إن ده آخر حل كنت أحب ألجأ ليه. وده حق ربنا لا ظلم ولا افترى».